Bëhet publike një pjesë e përfundimeve të opinionit paraprak të Komisionit të Venecias, për emërimet në Gjykatën Kushtetuese.
Opinioni paraprak i Komisionit të Venecias pritet që të mbërrijë këtë fundjavë. Sipas Abc News, në opinionin paraprak të tyre theksohet se veprimet e presidentit Meta janë në përputhje me Kushtetutën.
Në pjesën e dokumentit të publikuar, Venecia vlerëson se Presidenti ka vepruar sipas germës dhe logjikës kushtetuese.
“Duke qenë se presidenti ka vepruar në përputhje me Kushtetutën nuk ka vend për shkarkimin e tij”, thuhet në paragrafin 104 të draft opinionit të Komisionit të Venecias.
Kuvendi dhe presidenti Meta do të njihen në fundjavë me dokumentin e plotë të hartuar nga zyrtarët e Komisionit. Ky dokument pritet t’i japë zgjidhje debatit për Kushtetuesen mes Kreut të Shtetit dhe mazhorancës.
