Koronavirusi i ka marrë jetën një tjetër personi në Angli, duke e çuar në 2 numrin total të viktimave të shënuar nga virusi vdekjeprurës.
Viktima e dytë është një burrë i moshës 80-vjeçare, i cili ishte shtruar në spitalin Milton Keynes, raporton Sky News.
80-vjeçari kishte dalë pozitiv me koronavirus, por megjithatë mjekët po kryejnë analizat nëse ishte virusi shkaktar i vdekjes së tij apo jo.
Në të njëjtin spital ku ndërroi jetë viktima janë shtruar edhe disa të infektuar të tjerë. Mjekët gjithashtu po mbahen në kontroll nëse shfaqin simptoma të koronavirusit.
Ndërkohë, vetëm në 24 orët e fundit janë shënuar 47 raste të reja me koronavirus në Mbretërinë e Bashkuar, duke e çuar në 163 numrin total të të infektuarve.