Shkrimtari austriak Peter Handke i cili ka marrë Çmimin Nobel për Letërsi është përfolur shumë së fundmi.
Arsyeja lidhet me faktin se ai ka mbështetur politikat gjenocidale të Sllobodan Milloshevicit.
Mbështetja ndaj Milloshevicit u dëshmua disa herë, e një nga këto dëshmi është edhe kjo foto e tij e bërë në Prishtinë.
I njohur për mbështetjen ndaj Serbisë, gjatë kohës së bombardimeve të NATO-s Handke ka vizituar Hoçën e Madhe të banuar kryesisht nga serbët.
Ai ka bërë një përshkrim për Hoçën, ku siç ka thënë, ka parë shumë kisha që janë të mëdha sa një kolibe e qenit, por megjithatë banorët i quajnë kisha.
Përveç Hoçës, Peter Handke, kishte vizituar edhe Prishtinën.
“Metro” shkruan se ai në vitin 1996 ka qëndruar në kryeqytetin e Kosovës, në mbështetje të Sllobodan Milloshevic, i njohur si “Kasapi i Ballkanit”.
Në foton ku shfaqet Handke shihet një poster prapa tij, në të cilin kërkohet drejtësi për serbët, edhe pse shqiptarët ishin ata që dhunoheshin nga aparatura serbe.
