Kreu i grupit parlamentar të PS, Taulant Balla ka reaguar në lidhje me draftin paraprak të Komisionit të Venecias.
Përmes një postimi në Facebook, Balla thotë se Komisioni i Venecias ka kërkuar që të ruhet konfidencialiteti në lidhje me këtë draft. Sipas tij, shpërndarja e pjesëve të veçanta të draftit në raste të mëparshme, ka dëmtuar kredibilitetin e procesit të konsultimit me Komisionin e Venecias.
Balla theksoi se dekreti i rikthyer nga presidenca nuk do të diskutohet më në Parlament, deri në marrjen e opinionit përfundimtar nga ana e Komisionit.
Postimi i plotë:
Komisioni i Venecias na ka vene ne dizpozicion nje “draft paraprak” te Opinionit “Mbi emërimin e anëtarëve të Gjykatës Kushtetuese”, per te cilin na eshte kerkuar nga ana e tyre te ruajme strikt konfidencialitetin dhe te mos bejme asnje koment, sepse drafti eshte derguar per tu konsultuar dhe komentuar nga palet.
Shperndarja e copezave apo fjalive te vecanta ne raste te meparshme te drafteve paraprake ka demtuar kredibilitetin e procesit te konsultimit me Komisionin e Venecias. Prandaj ne do te ndjekim ne menyre strikte agjenden dhe respektojme kerkesen per konfidencialitet prej vete Komisionit te Venecias deri ne miratimin e nje opinioni final zyrtar.
Nderkohe ekspertet tane do te pergatisin sipas kerkeses se vete procesit, per reflektimet e pretendimeve te paleve ne Opinionin Perfundimtar. Kjo do te thote po ashtu, se deri ne marrjen e Opinionit perfundimtar zyrtar, dekreti i rikthyer nga presidenca nuk do te diskutohet dhe as shqyrtohet ne Kuvend, per te respektuar deri ne fund Komisionin e Venecias.
