E martë, 27 Korrik, 2021
34.5 C
Tirana

Loja e shifrave që nuk po e shantazhon dot Bashën

Nga Mero Baze

Përpjekja për të krijuar një mit të rremë për pjesëmarrjen në mitingun e Ilir Metës, po vjen nga të gjitha palët. Përkundër një mitingu që ishte nën nivelin e një mitingu të vakët të PD, nga ata që dilnin me bezdi kur paralajmërohej që nuk do hidhnin molotov, për herë të parë askush nuk ka dëshirë të përfshihet në këtë debat.

Edi Rama duket që është i kënaqur me lojën e shifrave, pasi droni i tij i transmetoi ata që ishin dhe aq sa ishin. Por duket që atij i pëlqen që nga tetë apo dhjetë mijë, Ilir Meta i bëri përmes gazetave të tij 80 apo 100 mijë.

Pastaj edhe më i lumtur që Berisha i bëri sa i bën çdo miting, 500 mijë. Që të jemi pak të qartë, 500 mijë njerëz duhet ta mbushesh nga “Universiteti” tek “Treni” dhe të jenë dhe ca nga “Unaza” drejt “Zogut të Zi”, ndërkohë që turma nuk shkonte dot nga “Presidenca” tek “Rogneri”.

Por për herë të parë askush nuk do debat për këtë gjë. Të gjithë duan që të jenë shumë, pasi i kanë parë që janë pak. I duan shumë, jo për të trimëruar Metën kundër grushtit të shtetit, por për t’i treguar njëri- tjetrit, vendin që ka në këtë histori.

Sali Berisha i do 500 mijë, që të trembë Lulzim Bashën se nuk i binden demokratët. Në daljen e tij publike tek Ilva Tare, ai e tha qartë se Lulzim Basha duhet të marrë mësim nga ajo që bëri Ilir Meta. Me një fjalë, duhet të heqë dorë nga tryeza apo bisedimet me Edi Ramën dhe duhet të shkojë në luftë. Përndryshe, kërcënimi është shumë i qartë.

Edhe pse kishte një javë që vetë Sali Berisha u bënte thirrje demokratëve të shkonin në miting, në mbështetje të Ilir Metës, edhe pse e ka gdhirë me Ilir Metën një javë rresht deri ditën e mitingut, duke u marrë me organizimin e tij, ai pranoi dje me qetësi se ata njerëz nuk ishin të tijët, por të Ilir Metës.

Kështu i bie që, ose Berishën nuk e dëgjojnë më demokratët dhe nuk kanë dalë në miting, ose Ilir Meta i ka marrë partinë. Në fakt, Berisha tenton t’i thotë Lulzim Bashës këtë të dytën, pasi e detyroi të njoftojë gjithë degët të sjellin njerëz në Tiranë.

Lexo edhe :   Raporti i OSBE/ Reagon Basha: Në 25 prill, u tjetërsua vullneti i shqiptarëve

Vetë Ilir Meta nuk do të hyjë në polemikë për shifrat, pasi ka hallin e mitingut të dytë. Frika se demokratët mund ta marrin për karshillëk e nuk i shkojnë më, e ka bërë më të përmbajtur në gëzim dhe ua ka lënë portaleve të tij gëzimin. Vetë po merret me shpjegimet për Etildën dhe Dvoranin.

Lulzim Basha nuk duket po ashtu i shqetësuar. Sapo përfundoi mitingu, ai nxori Gazmend Bardhin, sekretarin e Përgjithshëm, që falenderoi demokratët që mbushën sheshin, dhe e la me aq. Atij duket se e intereson po aq shumë sjellja fallco e Berishës, që bën sikur demokratët nuk e kanë dëgjuar dhe nuk kanë shkuar tek mitingu i Metës. Nga gjithë ata aktorë që bëjnë sikur nuk e kanë mendjen tek shifrat, ai duket më ciniku, pasi e di që i ka të vetët ata që ishin në shesh.

Lexo edhe :   Raporti i OSBE/ Reagon Basha: Në 25 prill, u tjetërsua vullneti i shqiptarëve

Sa më shumë të thonë, aq më mire për të, sa më pak të thonë, aq më keq për Ilir Metën.

Dhe në këtë luftë shifrash pa kundërshtarë, të gjithë po bëjnë sikur bien dakord që mitingu ishte i madh, pasi të gjithë e dinë që ato shifra nuk kanë rëndësi. Rëndësi ka nëse shifrat do prodhojnë një betejë mes Berishës e Metës nga një anë, dhe Bashës nga ana tjetër.

Sali Berisha dha shenja dje, se ai është gati t’ia falë demokratët Metës, nëse Basha nuk ndjek rrugën e tij. Por heshtja e Bashës, indiferenca e tij ndaj këtij debati dhe akoma më keq, vazhdimi i qëndrimeve të tij pa u ndikuar nga mitingu i Metës, e shton dhe më shumë nervozizmin e dyshes Berisha- Meta, të cilët më shumë se sa duan të mburren me shifrat, duan të shantazhojnë Bashën, se po ja marrin rolin prijës të opozitës.

Por e vetmja gjë që nuk e tremb Bashën, duket se janë lojërat me shifrat. Jo se janë shumë, apo pak për të. Por ai e di se Berisha dhe Meta nuk hapin dot debatin se të kujt janë ata njerëz. Po u hap ai debat, ata kthehen të gjithë në oborrin e SHQUP. Dhe pastaj Berishës nuk i duhet të ndërrojë popullin, por kryetarin. Për atë s’ka më këllqe.

- Reklama -

Më shumë nga kategoria




Të fundit

Aksion si në filma/”Policia, hape derën”, shënjestra u ikën nga “duart”

Një makinë e cila u shpëton policëve, dhe një gazetar që e shtrijnë në tokë vetëm sepse filmoi operacionin. Ka qënë kjo skena që...

Nostalgji futbolli/ Henry flet për Messin: “Nuk di nëse Ronaldo do e bënte…”

Thierry Henry në një intervistë me Rio Ferdinand: "Nuk e di nëse e keni parë ndonjëherë Ronaldon të bëjë atë që dot'ju them për Messin...

Studimi/ Muzika i ndihmoi njerëzit të përballonin pandeminë

Dpa/ Një studim me më shumë se 5,000 njerëz të karantinuar në tre kontinente tregoi se më shumë se gjysma prej nesh përdori muzikë...

Po filmonte aksionin e policisë/ Gazetari: Më shtrinë barkas…

Një situatë e sikletshme i ka ndodhur gazetarit të “News24” Ergys Gjençaj, i cili është shoqëruar nga policia, pasi filmoi një aksion të uniformave...

Aksion anti-dro*ë në zonën e “Vorrit të Bomit” në Tiranë, arratiset një person

Një aksion anti-drogë është zhvilluar mesditën e sotme në zonën e “Vorri i Bomit” në kryeqytet, ku burimet paraprake, ende jo zyrtare njoftojnë për...