Sekretari i Përgjithshëm i Partisë Demokratike, Gazment Bardhi, akuzon qeverinë se ka për qëllim të pastrojë paratë përmes grabitjes së truallit të Teatrit Kombëtar. Me anë të një video-je të shpërndarë në Facebook, Bardhi shprehet se qëllimi i vërtetë i Ramës, Veliajt, Ballës e jo vetëm, është ndërtimi i kullave shumëkatëshe në atë truall.
Ai shprehet më tej se shqiptarët e meritojnë demokracinë, dhe se jemi të denjë për shoqërinë europiane.
Aksioni për shembjen e kësaj godine nisi në orën 04:30 të mëngjesit të sotëm, ku pati përplasje. Basha dhe Kryemadhi kanë paralajmëruar aksion opozitar.
Statusi
Edi Rama, Erion Veliaj, Taulant Balla dhe çeta e tyre e hajdutëve nuk duan një teatër të ri. Ata duan kulla të reja. Talebanët e rilindur duan të grabisin tokën publike për të pastruar paratë që na kanë vjedhur, në mënyrë që të na vjedhin sërish. Duhet të tregojmë sot se ne e meritojmë lirinë, e meritojmë demokracinë dhe jemi të denjë për shoqërinë europiane.
