Mjeku pneumolog Arjan Mezini gjatë një interviste në “News 24” komentoi situatën e krijuar nga koronavirusi në vend.
Ai iu përgjigj pyetjes se “pse të rinjtë po preken nga pandemia?”
“Për mendimin tim sepse pacientët me patologji apo në moshë ruhen, ndërsa mosha e re e ka kapur lehtë”, tha Mezini.
Në vijim, mjeku pneumolog u shpreh se rritja e rasteve me COVID-19 në Shqipëri është më e madhe nga sa ai kishte parashikuar se do të ndodhte pas hapjes.
Mezini i mëshoi faktit se kjo situatë mund të ndryshojë përmes përdorimit të maskës:
“Janë studime të çertifikuara që përdorimi i maskës ndikon nga 60-80 përqind të uljes së infeksionit. Jo më kot vende si Gjermania apo Franca e kanë të detyrueshme”.
