E diel, 13 Qershor, 2021
14.5 C
Tirana

Pse Meta dhe Basha i shmangen debatit për listat e hapura

Nga: Alfred Peza

Një nga tezat që liderët politikë të opozitës së rrugës kanë artikuluar sëfundi rreth ndryshimeve kushtetuese për reformën zgjedhore, është se mazhoranca po i mbështet këto propozime të opozitës parlamentare, sepse kërkon që ti fitojë zgjedhjet në tavolinë! Të pafuqishëm për të dhënë argumenta logjikë, politikë, juridikë dhe kushtetues rreth kësaj nisme, artikulojnë një tezë qesharake si kjo.

Si mund të fitojë një parti politike zgjedhjet në tavolinë, në kushtet kur ndryshimet e propozuara për hapjen e listave të kandidatëve për deputetë, krijojnë kushtet për një start të barabartë gare, për të gjitha subjektet zgjedhore pjesëmarrëse në proces? Pse listat e hapura favorizokan mazhorancën dhe jo opozitën, që pretendon se populli sa me zor po pret që të vijnë zgjedhjet për ti dhënë votën?!

Nëse pretendimi tyre është i vërtetë, sipas kësaj logjike foshnjarake meqenëse PD, LSI dhe aleatët e tyre kanë vite që e kanë kërkuar hapjen e listave, atëherë i bie që deri dje, paskan qenë në kërkim të pushtetit në tavolinë? Po tani pse ndryshuan mendje? Apo për ti hapur rrugën me dëshirë Edi Ramës, që të fitojë mandatin e tij të tretë qeverisës?

Po si ka mundësi që të bien kaq poshtë sa të fyejnë inteligjencën e çdo qytetari? Vërtetë mendojnë se ata nuk e dijnë se hapja e listave të kandidatëve për deputetë, nuk është as shpikje e shumicës së shqiptarëve që e duan, as e opozitës sonë parlamentare që e kërkon dhe as e Partisë Socialiste, që e mbështet?!

Listat e hapura të kandidatëve për deputetë, i japin mundësi qytetarëve dhe jo liderëve politikë të partive për të zgjedhur që të çojnë më të mirët në Parlament, aplikohen në shumë shtete demokratike të botës së qytetëruar. Si ka mundësi që atje, as liderët e opozitës dhe askush tjetër, nuk pretendon se kjo gjë favorizoka mazhorancat në pushtet, për të fituar zgjedhjet në tavolinë?!

Duke dashur që ti ikin thelbit të debatit real, që në këtë rast ka të bëjë me përmbajtjen dhe jo me formën e propozimeve, pyetja që lind për opozitarët tanë të rrugës është: A është më demokratike hapja, apo mbyllja e listave? A është më demokratike, zgjedhja e kandidatëve për deputetë nga Lulzim Basha dhe Monika Kryemadhi, apo drejtpërdrejtë nga qytetarët shqiptarë?

Lexo edhe :   U shkarkua me 104 vota/ Meta bën deklaratën e fortë pas shkarkimit

Sigurisht që përgjigja është e paekuivok: Listat e hapura dhe zgjedhja e deputetëve përmes tyre është më demokratike, sesa listat e mbyllura. Ndaj për ti vënë kapakun kësaj teze qesharake opozitare, pyetja e fundit është: Kur hapja e listave është më demokratike, atëherë si mundet që PS të realizojë përmes tyre, një gjë kaq antidemokratike sa çështë marrja e zgjedhjeve në tavolinë?!

Përgjigjen e kësaj pyetje, po aq mirë sa gjithë të tjerët, e dijnë edhe liderët e opozitës sonë. Por duke mos patur asnjë argument kundër përmbajtjes së ndryshimeve kushtetuese në funksion të demokratizimit të mëtejshëm të procesit zgjedhor, hedhin për konsum broçkulla të tilla.

Lexo edhe :   Fitorja e Lulzim Bashës për kreun e PD dhe guri mbi shpinën e tij!

Partia Socialistë është shprehur shumë qartë për situatën ku ndodhemi: Dëgjoi zërin e qytetarëve që duan lista të hapura. Do i japi votat në Parlament, miratimit të marrëveshjes së 5 qershorit me PD dhe LSI. Do mbështesë edhe propozimet racionale të grupeve të opozitës së re në Parlament për ndryshimet kushtetuese në funksion të zgjedhjeve.

Mazhoranca ka qenë mes dy zjarresh, sepse të dyja opozitat kërkojnë të votohen vetëm kërkesat e tyre dhe jo ato tjerat. PS si një forcë politike serioze dhe e përgjegjshme, po bën gjithçka për të përafruar palët, në mënyrë që të arrijjë marrëveshje që kënaq tripolaritetin politik në vend.

Në lojë, veç “Opozitës së Bashkuar” hyri edhe Presidenti duke marë atributet e Gjykatës Kushtetuese, duke i ndarë deputetët në legjitimë dhe jolegjitimë në Kuvend. Jolegjitimë qenkan ata deputetë që kërkojnë hapjen e listave, kërkesë që vetë Ilir Meta deri dje, e konsideronte kyçe për zgjedhjet. E po të njëjtët deputetë janë legjitimë, nëse votojnë vetëm marrëveshjen e 5 Qershorit që mbështet PD e LSI.

Ironia e kësaj lufte politike, është se ata deputetë janë në sallën e Parlamentit, me “firmën” e Ilir Metës dhe Lulzim Bashës. Ndaj nga çdo anë që ta kapësh, opozitarët tanë kërkojnë ta fshehin thelbin e debatit, prapa artificeve që nuk kanë asnjë lidhje me vullnetin e mazhorancës për ti dhënë vendit, ndryshimet e duhura që do të sjellin vendit, një standard të ri në zgjedhjet e 2021. / alpenews.al

- Reklama -

Më shumë nga kategoria




Të fundit

Belgjika mposht me lehtësi Rusinë, Lukaku i dedikon golin Eriksen (Video)

Përfundon ndeshja midis Belgjikës dhe Rusisë, e vlefshme për grupin B të kompeticionit europian ''EURO 2020''. Skuadra e drejtuar nga Martinez ka shkatërruar rusët...

VOA: Takimin më të vështirë, Biden do e ketë me Erdogan

Presidenti turk Rexhep Tajip Erdogan do të takohet me presidentin amerikan Joe Biden të hënën në takimin e nivelit të lartë NATO-s për diskutime...

Putin nënshkruan ligjin që mbron të dhënat e zyrtarëve të sigurisë

Presidenti rus, Vladimir Putin, ka nënshkruar një ligj që po vlerësohet se mund të pengojë përpjekjet për ekspozimin e korrupsionit ose kërkesën për llogaridhënien...

Itali: Vaksinimi me AstraZeneca, vetëm për personat mbi 60 vjeç

Vaksina Astrazeneca në Itali do të përdoret vetëm për njerëzit mbi 60 vjeç. Lajmi vjen pas rasteve të rralla të trombozës që kanë ndodhur...

Shqipëria ngjitet në çatinë e botës, por me cilat prioritete?

Shqipëria u zgjodh dje anëtare e përkohshme në Këshillin e Sigurimit. Duke filluar nga 1 janari i vitit 2022, Shqipëria do të ulet për...