Tirana Today
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
Tirana Today
No Result
View All Result
Home Editorial - Opinione

Pse ka tension iracional në politikën aktuale të Serbisë?

4 vjet ago
in Editorial - Opinione, Të Gjitha
UÇK-ja/ Ngjela: Bashkimi i Shqipërisë me Kosovën do lërë PS në minorancë

Nga: Spartak Ngjela

Përse politikanët e lartë të Serbisë po flasin vetëm marrëzira force për çështjen e Kosovës, kur ajo është krijim amerikan dhe është nën mbrojtjen apo proteksionin e Shteteve të Bashkuara të Amerikës?

Pse janë kaq naivë këta serbë iracionalë? Pse, nuk e mbajnë mend fare historinë këta milosheviçiane të vonuar, për të kujtuar që lideri i tyre Milosheviç, i çmendur, por që ata e kanë thellë në shpirt, deklaroi kapitullimin në luftën e NATO-s për çlirimin e Kosovës?

Kaq shpejt pasioni infantil ua ka errësuar memorien historike?

Jo, kuptohet se ka diçka tjetër në këtë mes.

l.

Presidenti i Serbisë Vuçiç, një mediokër i bishtit të Miloshrviçit, nuk ka pasur dhe nuk ka asnjë mundësi tjetër për të qenë në pushtet, me përjashtim të demagogjisë se, e marr sot apo e marr nesër Kosovën. Dhe gjithmonë me shprehjen arkaike “Kosova është Serbi”. Gënjen serbët, për t’i sunduar.

Por, kjo tregon që vetë serbët kanë mbetur skllevër të padrejtësisë dhe pushtimit të territoreve shqiptare. E gjitha  një gënjeshtër historike.

Kur Milosheviçi i thosh amerikanëve që shqiptatët janë të ardhur në tokat tona në Kosovë, ata qeshin me një gjest përbuzës. Por, siç duket ky Vuçiç ende i di si profeci marrëzitë plot gënjeshtra të Milosheviçit, ose  dhe si gjenialitete të politikës tiranike.

Por, të gjithë këta i tremb historia, dhe më shumë gjuha shqipe. Prandaj i fshehin si  injorantë faktet historike, por i tmerron gjuha shqipe. Kjo i ka shqetësuar me mllef në shkuj, dhe sot, edhe më shumë, sepse janë shumë katedra universitetesh në Perëndim, e sidomos në Amerikë që, nëpërmjet gjuhës shqipe, po kthejnë historinë vërtetë të Ballkanit.

ll.

Sot e gjithë politika perëndimore e di që Serbia, si shtet, është një investim në falsitet i Rusisë dhe Francës, në një anë, dhe i Perandorisë Osmane, në anën tjetër. Por që, në 80 përqind të territorit të saj, ajo shtrihet njëherësh në territor shqiptar e shqiptarësh.

Pikërisht, kjo është arsyeja që serbët kanë tani dy shekuj që në mendjen e tyre kanë pasur vetëm një motiv: shfarosjen e shqiptarëve. Frikë ndaj së vërtetës, të cilën, para kapitullimit, Mlosheviçi ia shprehu hapur ambasadorit amerikan në Uashington, Uorren Zimerman. Ai i tha: “Amerika ka përpunuar një plan konkret për të drejtuara të gjithë Ballkanin. Dhe këtë po e bëjnë bashkë me Gjermaninë, armikun historik të Serbisë”. Zimerman nuk fliste ndërsa Milosheviçi vijoi: “Në fillim do të jetë forcimi i Shqipërisë dhe, më pas Uashingtoni do kalojë nga Kosova drejt Serbisë, për të mposhtur tërësisht Serbinë”. Zimerman, një diplomat i nivelit të lartë, nuk foli por e pa Milosheviçin si inferior.

Sigurisht, shumë kanë bërë në këtë drejtim, por edhe rezistenca e malësorëve shqiptatë ka për të mbetur një fakt historik që do ta ketë jehonë në historinë moderne të Evropës. Kurse tani, kuptohet sheshit që serbët po janë në dekadencë. Politika e lartë e Perëndimit tani e di të vërtetën, prandaj pyetja që ngrihet këtu është kjo: a mos ka konverguar ndërkohë në një pikë interisi amerikan me rivendosjen e të drejtës historike të mohuar të shqiptarëve?

Nuk duhet harruar se të shumtë kanë qenë edhe të shiturit e shqiptarëve në këtë histori, njëherësh heroike dhe të trishtë shqiptare, që nga Esat Toptani e deri te këta ta sotmit, që tani po shihet se janë të falimentuar edhe në Tiranë dhe, edhe në Prishtinë.

lll.

Po pse janë kaq të shqetësuar në këtë kohë krerët barbarë të Serbisë, dhe, përse pikërisht në këta dy muajt e fundit?

Sepse tani në Uashington ka ardhur si president i Shteteve të Bashkuara, Joe Biden. Kjo është arsyeja kryesore.

Po pse serbët këlthasin si të marrë për të ushtruar forcë kundër Kosovës?

Sepse është ajo që shprehëm më lart: presidenti i tyre Vuçiç, nuk ka asnjë arsye apo motiv politik për të qenë në pushtet veç gënjeshtrës drejtuar popullit të vet, që Kosova është e Serbisë. Po serbët, e besojnë? Intelektualet e lartë e tallin, por populli i thjeshtë ka brenda vetes në psikikën e tij një hakërim antishqiptar, i cili i çon në një marrëzi kolektive. Pikërisht, këtë marrëzi kolektive, Vuçiç e shfrytëzon për pushtetin e tij.

Por, në këtë çështje ka edhe diçka që vjen e rrjedh si arsyetim gjeopolitik nga pyetja: mos ndoshta politika e re amerikane ka shkuar te mendimi që Serbia është një tumor që pengon zhvillimin e Ballkanit Perëndimor, dhe prandaj duhet shkulur? Dhe më tej, nëse kjo është arsye amerikane: a nuk janë vetëm shqiptarët ata aleatë të NATO-s  që mund ta bëjnë këtë?

Pse? Sepse Serbia është e ngritur në territore shqiptare dhe historia e falsifikuar, në dy shekuj rresht,  ka goditur  rëndë historinë si ecuri të autoktonisë së gjerë shqiptare në Ballkanin Perëndimor. Tani në këtë zonë jetojnë 8 milionë shqiptarë dhe ka edhe dy shtete shqiptarë të pavarur. Sigurisht, kjo është përparësia shqiptare në këtë zonë dhe në këtë kohë historike, e cila nuk do të ndalet deri në përcaktimin e drejtë të realitetit historik.

Tags: opinionserbiSpartak Ngjelatension

TË LIDHURA

Skllevërit e Sali Berishës dhe pse nuk ka shpresë për PD
Editorial - Opinione

Skllevërit e Sali Berishës dhe pse nuk ka shpresë për PD

20:59 | 02/07/2025
Balluku nën hetim nga SPAK për tenderin e Llogarasë, lidhje me biznesmenin turk në Stamboll
Politikë

Balluku nën hetim nga SPAK për tenderin e Llogarasë, lidhje me biznesmenin turk në Stamboll

10:47 | 30/06/2025
Ushqimet që duhen shmangur gjatë ditëve të nxehta të verës
Editorial - Opinione

Ushqimet që duhen shmangur gjatë ditëve të nxehta të verës

22:21 | 28/06/2025
Next Post
Meta: Marshimin e nisur më 2 mars 2020 do ta çojmë deri në fund më 25 prill

Meta: Marshimin e nisur më 2 mars 2020 do ta çojmë deri në fund më 25 prill

Pse muaji shkurt u mbyll me bilanc të zi? Zv.ministrja Rakacolli zbulon arsyet

Pse muaji shkurt u mbyll me bilanc të zi? Zv.ministrja Rakacolli zbulon arsyet

Kosovë: Numërohen mbi 17 mijë vota nga diaspora, kryeson Vetëvendosja

Kosovë: Numërohen mbi 17 mijë vota nga diaspora, kryeson Vetëvendosja

JU REKOMANDOJMË

Horoskopi 19 Mars 2024

Priten përplasje, surpriza dhe ngjitje të papritura!/ Çfarë thonë yjet për ty sot?

08:05 | 02/07/2025
Dy të mbytur në Shqipëri/ Ish-banorja e ‘BBVA’ paralajmëron: Mos u laheni në det më 29 qershor, ja pse

Dy të mbytur në Shqipëri/ Ish-banorja e ‘BBVA’ paralajmëron: Mos u laheni në det më 29 qershor, ja pse

12:18 | 30/06/2025
Shqiptari dënohet me vdekje në Kinë për 1 ton drogë, diplomacia e shpëton

Shqiptari dënohet me vdekje në Kinë për 1 ton drogë, diplomacia e shpëton

15:48 | 30/06/2025
Horoskopi 19 Mars 2024

Sinjale të qarta për zemrën, mendjen dhe financat – ja çfarë parashikojnë yjet për shenjën tuaj sot.

08:09 | 30/06/2025




TË FUNDIT

Operacioni ‘Identiteti’/ Zbulohet laborator falsifikimi, në pranga babë e bir
Aktualitet

Operacioni ‘Identiteti’/ Zbulohet laborator falsifikimi, në pranga babë e bir

by mirseda
11:07 | 05/07/2025
0

Si rezultat i tij u arrestuan shtetasit Y. B., 65 vjeç, aktualisht me masë sigurie “Arrest në...

Policia intensifikon luftën ndaj armëve të paligjshme, Proda: Siguria nuk negociohet

Policia intensifikon luftën ndaj armëve të paligjshme, Proda: Siguria nuk negociohet

10:50 | 05/07/2025
Aksident në Vlorë, i moshuari përplaset te vijat e bardha, në gjendje të rëndë në spital

Aksident në Vlorë, i moshuari përplaset te vijat e bardha, në gjendje të rëndë në spital

10:37 | 05/07/2025
Radhë kilometrike në Qafë Botë, qytetarët orë të tëra pritje në kufi

Radhë kilometrike në Qafë Botë, qytetarët orë të tëra pritje në kufi

10:35 | 05/07/2025
Këngëtarja Era Istrefi feston ditëlindjen, ja dhurata luksoze dhe e veçantë që mori

Këngëtarja Era Istrefi feston ditëlindjen, ja dhurata luksoze dhe e veçantë që mori

10:18 | 05/07/2025

Tirana Today


© 2024 TiranaToday Dev By: Techzero1.com


© TIrana Today. All rights reserved.

Kontakt

EMAIL : [email protected]

Cel: +355694040005

Follow Us

Tirana Today

© TIrana Today. All rights reserved.

EMAIL : [email protected]

Cel: +355694040005

© 2022 TiranaToday Dev By: wearedope.com

Follow Us

No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing

© 2024TiranaToday Dev by : Techzero1.com