Kryeministri italian, Giuseppe Conte gjatë një konference për mediat se bashku me kryeministrin Rama, foli për hapjen e negociatave me vendin tone.
I pyetur se pse dëshiron që Shqipëria të integrohet në BE, kur ka vende siç është Anglia që duan të dalin nga Bashkimi, Rama tha se shqiptarët janë në një histori dashurie me Evropën.
Kreu i qeverisë shqiptare tha se vijmë nga një epokë jo shumë të largët kur ndodheshim si Koreja e Veriut në Evropë dhe se integrimi është i rëndësishëm për të shndërruar Shqipërinë në një vend evropian.
“Nëse dikush dëshiron që të martojë dikë, të kurorëzojë një martesë, nuk mund të shërbejë si shembull për të shkurajuar një tjetër. Ne jemi në një histori dashurie me Evropën. Nëse Britania kërkon që të ndahet, me gjithë respektin, nuk na shtyn ne që të heqim dorë. Do doja të thoja që ka shumë prej tyre që ushtrojnë pyetjen sesi shqiptarët janë të tërhequr nga Evropa. Por për ne është një hapësirë sigurie. Vijmë nga një epokë jo shumë e largët në kohë ku gjendeshim si Koreja e Veriut të Evropës. Kemi parë luftën me sytë tanë, luftën në Kosovë. Histori nuk është një film bardhezi si anglezët që shohin Winston Churchill.
Integrimi bëhet për të shndërruar Shqipërinë në një vend evropian, në një shtet të së drejtës, me një demokraci evropiane. Dhe duhet të falenderoj të gjitha shtetet që na mbështesin. Po kërkojmë atë që na përket, jo për tu shndërruar në anëtarë, por për të çelur negociatat. Më tej do të tregojmë që jemi të gatshëm, për tu kontrolluar dhe për tu mbikëqyrur, në atë hap që duhet hedhur. Në këto momente shumë prej vendeve të anëtarë të BE-së do të kishin të njëjtin problem si ne. Data 18 është e shumë e rëndësishme, por me 19 dielli do të lindë sërish, jeta është e bukur. Ne do të vijojmë këtë rrugëtim”, deklaroi Rama.
