Një 49-vjeçar shqiptar dhe një gardian burgu grek kanë rënë në prangat e policisë, pasi akuzohen për disa grabitje dyqanesh në zonën e Atticas. Grabitësi shqiptar rezultonte i arratisur nga burgu pasi mori një leje treditore, të cilën e shkeli.
Pas disa muajsh hetimesh nga Departamenti i Krimeve kundër Pronës, u zbulua që autorët përdornin lloje të ndryshme maskimi; të tilla si paruke, një hundë silikoni dhe kapele. Madje edhe një uniformë policie për të fshehur tiparet e fytyrës. Ndërsa, motoçikletat e vjedhura përdoreshin për t’i shpëtuar forcave të rendit.
Deri më tani, shtatë grabitje dhe tre përpjekje për vjedhje në dyqane postare, farmaci, supermarkete, departamente dhe banka janë kryer që nga prilli i vitit 2018 në zona të ndryshme të Atikës.
Gjatë kontrollit të ushtruar në shtëpi nga autoritetet greke, u sekuestruan pistoleta, plumba, maskime të ndryshme veshmbathje, uniformë policie, një çekiç i posaçëm për thyerjen e xhamave, skafandra motori dhe makina.
