Kryeministri Edi Rama ka deklaruar se i ka kërkuar kandidatit të PS-së në Kavajë që të tërhiqet nga zgjedhjet
Rama nëpërmjet një konferencë për shtyp ka konfirmuar se data 18 qershor është një datë e panegociueshme.
Tërheqjen e kandidatit të Partisë Socialiste Klodian Shehi nga zgjedhjet për bashkinë e Kavajës, me urdhër të kryeministrit Rama, e paralajmëroi pak ditë më parë edhe “Tirana Today”, Zgjedhjet në Kavajë, PS mund të tërheqë nga gara kandidatin e saj kur mësoi se kandidati Shehi do të tërhiqej nga gara për kreun e bashkisë së këtij qyteti, në mënyrë që të shmangej një përplasje midis militantëve të forcave politike.
Fjala e Ramës:
Partia Demokratike është parti historike por nuk është as e para dhe as e fundit që mund të dalë nga skena e historisë.
Të mbahet parasysh se PS jo vetëm se nuk ka bërë asgjë që të shtyjë PD-në jashtë zgjedhjeve por ka bërë të kundërtën për të negociuar pjesëmarrjen e saj në zgjedhje.
Ulja në dialog me PD nuk është dobësi por është kthjelltësi dhe pjekuri.
Ka shumë që janë të shqetësuar për 7 maji në zgjedhjet eKavajës, ka shumë që kanë frikë për trazira apo skenarë.
Por dua të jem i sinqertë se ka shumë individë që duan stabilitetin e vendit.
Ne do të bëjmë të pamundurën që të sigurojmë qetësi për publikun.
Dua t’ju them se provokimeve antiligjore ne nuk duhet t’ju përgjigjemi flak për flakë, pra, Kavaja nuk do të bëhet shesh për përshesh.
Do të bëj të gjitha përpjekjet e mundshme që PD të marrë pjesë në zgjedhje dhe votuesit të kenë alternativë për të votuar.
Rama në fund të konferencës i ka bërë thirrje Bashës për të detajuar bisedën e nisur dhe jo për të filluar nga avazi për qeverinë teknike.
Unë do jem i gatshëm deri më 8 Maj dhe pas kësaj date unë nuk tërhiqem më.
