Në protestën e opozitës së bashkuar para godinës së Kryeministrisë janë shënuar dhe incidentet e para, ku protestuesit kanë rrëzuar gardhin metalik, si dhe kanë hedhur shashka, tymuese dhe mjete të forta në drejtim të Kryeministrisë.
Gjithashtu, ata kanë tentuar të kalojnë në pjesën e mbrojtur me gardh rrethues, por janë penguar nga policia.
Protestuesit, së bashku kanë rrethuar në mënyrë simbolike edhe godinën e Kryeministrisë, duke dalë në anë të Piramidës për t’u rikthyer sërish në Bulevard.
Protesta ka nisur me fjalën e mbajtur nga ish-deputeti i PD, Flamur Noka, i cili ka kërkuar largimin e Ramës.
