Mbështetësit e Berishës duket se do të realizojnë me çdo kusht qëllimin për të hyrë në zyrën e Bashës. Protestuesit kanë marrë një palë shkallë hekuri, ndërsa do të hyjnë përmes dritareve në seli.
Pasi protestuesit tentuan që të hynin në seli, duke hapur një prej dyerve, nuk kanë mundur të depërtojnë brenda godinës. Ndodhur në këto kushte, ata kanë zgjedhur si alternative që të futen përmes dritareve. Berisha iu kërkoi demokratëve që të nxjerrin nga zyra kryetarin e PD-së, Lulzim Basha.
Për të penguar depërtimin e mbështetësve të Sali Berishës, brenda selisë së PD-së është hedhur gaz lotsjellës në ambientet e hollit. Sali Berisha është shprehur se ky është një akt kriminal. Sipas tij, gazi është i Edi Ramës.
