Në protestën e organizuar nga ish-kryeministri Berisha, është djegur flamuri serb para godinës së Kryeministrisë. Mbështetësit e Sali Berishës i kanë vënë flakën, dhe kanë shkelur me këmbë flamurin e Serbisë. Pas këtij veprimi, ata kanë bërë thirrje anti Serbisë dhe anti nismës së “Ballkanit të Hapur”.
Pas thirrjes së ish-kryeministrit Sali Berisha, qindra demokratë i janë përgjigjur duke u mbledhur së bashku para Kryeministrisë, në një kohë ku kryeministri Edi Rama pritet të mbajë një takim në orët në vijim me Presidentin serb Aleksandër Vuçiç.
Në nismën e “Ballkanit të Hapur, deri më tani janë të përfshira vetëm Serbia, Shqipëria dhe Maqedonia e Veriut. Ndërkohë kjo nismë është pare me skepticizëm nga vendet e tjera të Ballkanit Perëndimor.
