Janë nisur drejt Tiranës, që në orët e para të mëngjesit, simpatizantët e Partisë Demokratike në Fier.
Mësohet se nuk ka pasur asnjë organizim, dhe pjesa më e madhe e qytetarëve kanë lëvizur me automjetet e tyre.
Kreu i PD-së Fier, Luan Baçi është shprehur se protesta do të zhvillohet përpara një Parlamenti të mbushur me kriminelë.
Sipas tij, nga këto protesta popullore, kryeministri Rama duhet t’i ‘thërrasë mendjes’.
“Parlament fals, i mbushur me kriminelë dhe njerëz të papërgjegjshëm që mendojnë se përfaqësojnë popullin. Nuk do të lejojmë të zhvillohet një parlament i rregullt. Protesta do të kulmojë në 13 prill. Nga këto protesta popullore kryeministri Rama duhet t’i thërrasë mendjes pasi protestat janë qytetare. Betimi i deputetëve të rinj është një lojë e mazhorancës së sotme që kërkon të krijojë një opozitë false”, deklaroi Baçi.
