Pas vendimeve të Gjykatës në Shkupit për grupin e Kumanovës, filluan protestat në Maqedoni por jo vetëm. Në Prishtinë gjithashtu protestohet, sepse në mesin e të dënuarve janë edhe 16 shtetas kosovar. Në kryeqytetin kosovar është vendosur të mbahet protestë në orën 14:00. Organizatori i protestës, Alban Kastrati ka njoftuar se protesta do të mbahet në sheshin “Zahir Pajaziti” në Prishtinë.
Kastrati: Sot mblidhemi për Kumanovën, shqiptarët, frymën e rrugën çlirimtare, kundër shtypjes së vazhdueshme që na u është bërë. Të marshosh do të thotë që ekziston dhe je pranë tyre e kundër montimeve politike. Sot dhe çdo ditë, sa më parë, duhet të kërkojmë një gjë: një shtet e komb të fortë. Një shtet të cilin të tjerët do e shohin si aleat e si shtet serioz dhe jo si mundësi për të zhdukur nga ai vend; Një komb të cilit ja kanë respektin e friken e jo t’i burgosin e t’i përbuzin.
Gjykata maqedonase dënoi shtatë pjesëtarëve të Grupit të Kumanovës janë dënuar me burgim të përjetshëm, të tjerëve gjithsejtë 746 vjet burg, ndërkohë që vetëm katër prej tyre u liruan nga aktakuza.
