Sot përpara Kuvendit kanë dalë në protestë fermerët, të cilët kanë qenë duke pritur kryeministrin Edi Rama që të futej në seancë plenare.
Kreu i qeverisë, sapo ka zbritur nga makina, është ndalur te fermerët dhe kërkoi një takim me disa përfaqësues të tyre.
“Kush janë disa prej përfaqësuesve tuaj? Hajdeni brenda të bisedojmë, se të gjithëve nuk ju takoj dot. Të vijë dhe ai që kishte ngritur dy gishtat”, tha Rama para fermerëve.
“Futemi brenda, nuk diskutohet këtu jashtë”, ishin fjalët e kryeministrit.
Në Kuvend këtë të enjte pritet të diskutohet paketa fiskale.
