10 protestues janë shoqëruar nga Policia e Fierit pas protestës së djeshme, ndërkohë që kryeministri Rama po zhvillonte një takim në kuadër të turit “Bashkia që duam”.
Kjo u bë e ditur nga kreu i Partisë Demokratike në Fier, Luan Baçi, i cili tha se 10 personat e shoqëruar në komisariatin e Fierit janë lenë të lirë pas një deklarate, ndërsa një protestues ende mbahet në polici.
I pyetur për plagosjen e efektivit të policisë në protestë, Luan Baçi i ka qëndruar deklaratës së tij të një dite më parë, se incidenti dhe plagosja e efektivit është kryer nga persona të infiltruar nga policia.
