Presidenti Ilir Meta ka reaguar lidhur me propozimin e bërë një ditë më parë nga kreu i grupit parlamentar të PS-së Taulant Balla, për të mbajtur zgjedhjet e ardhshme parlamentare më 9 maj.
Në një prononcim për mediat, Meta tha se kryesore është cilësia e zgjedhjeve, duke theksuar se po të ishte për të zgjedhjet do ishin zhvilluar tashmë.
Kreu i shtetit deklaroi se marrëveshja e arritur mes palëve për Reformën Zgjedhore nuk ka zgjidhur gjithçka, por sipas tij është një hap i mjaftueshëm për të ecur përpara.
“Mendoj që mbledhja e sotme e këshillit të Integrimit ishte mjaft e rëndësishme për të kuptuar detyrat që na presin e duhet ti përmbushim, theksoj edhe një herë metodologjia e re e zgjerimit siç ofron avantazhe për të gjithë vendet që u qëndrojnë detyrimeve, mund të sjellë edhe kthim pas të procesit dhe në këtë drejtim dua të vlerësoj edhe dakordësimin e fundit të Këshillit Politik për reformën jo si një marrëveshje që zgjidhi gjithçka por si një hap i mjaftueshme për të ecur në rrugën e dakordësimit për të realizuar zgjedhje të reja, siç e kërkojnë edhe kushtet e BE që janë shumë të qarta në këtë drejtim. Cilësia është kryesore, po te ishte për mua, data për mua do të ishte dje, ne kuptimin e rëndësisë së legjitimitetit të plotë te institucioneve, por mbetet ende shumë punë përpara për të treguar përgjegjshmëri me këtë proces që po monitorohet shumë ngushtë”, tha ai.
