Kryedemokrati Basha vijon të takojë bizneset, ndërsa shpesh është shprehur se po përjetojnë një tjetër krizë nga COVID-19. Sot ai është takuar me disa biznese në zonën mes Brryllit dhe Xhamllikut në kryeqytet.
Pandemia ka detyruar shumë biznese të mbyllen, e shumë të tjera të punojnë me një staf më të reduktuar. Rasti i tillë ishte i një biznesi lulesh në Tiranë. Pronarja e biznesit ka deklaruar se ka bërë shkurtime në staf, pasi nuk kishte mundësi që ti paguante.
Po ashtu, vajza ankohet edhe për faktin që duhet që të mbyllë aktivitetin gjatë fundjavës, pasi siç thotë ajo, në atë pjesë të javës kanë më shumë punë.
Një tjetër problematikë që ngre pronarja e biznesit është fakti që njoftimet i marrin vesh nga profili i kryeministrit në Facebook.
Vajza shprehet:
“Me statuse Facebook-u kujtohet të të lajmërojë në nëntë e gjysmë të darkës. Unë e kisha bllok, u detyrova ta zhbllokoja që të shihja statusin a do hap dyqanin nesër. Këtu jemi katandisur”.
