Policia ka bërë të mundur në kohë reale të parandalojë një ngjarje të rëndë në Kamëz. Pronari i një lokali ka plagosur me armë zjarri një klient, pas një konflikti të çastit. Në vijim të konfliktit e ka qëlluar përsëri për ta vrarë.
Falë ndërhyrjes në kohë, policia i ka bllokuar armën pronarit të lokalit, duke parandaluar vrasjen e klientit. Burimet zyrtare njoftojnë më tej se shtetasi F. K., 35 vjeç, banues në Tiranë, në brendësi të lokalit është përfshirë në një konflikt fizik e verbal për motive të dobëta me shtetasin R. C. (klient lokali).
Konflikti ka vijuar në ambientet e jashtme të lokalit. Si pasojë e konfliktit, shtetasi me inicialet F. K., ka plagosur me armë zjarri në dorë shtetasiN R. C., 39 vjeç., i cili është transportuar në spital dhe ndodhet jashtë rrezikut për jetën.
Njoftimi i policisë
Kamzë, Tiranë
Shërbimet e Komisariatit të Policisë Nr. 5, në bashkëpunim me forcën e posaçme “Shqiponjat”, kanë parandaluar përshkallëzimin e mëtejshëm të një konflikti me armë zjarri, që mund të përfundonte në vrasje.
Plagosi me armë zjarri një klient, pas një konflikti të çastit, dhe në vijim të konfliktit e ka qëlluar përsëri për ta vrarë, falë ndërhyrjes në kohë, Policia i bllokoi armën pronarit të lokalit duke parandaluar vrasjen e klientit.
Sekuestrohet arma e zjarrit me të cilën autori kreu plagosjen.
Shërbimet e Komisariatit të Policisë Nr. 5, në bashkëpunim me forcën e posaçme “Shqiponjat”, pas njoftimit të marrë rreth orës 02:20, se në Kodër Kamzë, në një lokal, kishte një konflikt verbal e fizik mes pronarit të lokalit dhe një klienti, kanë shkuar menjëherë në drejtim të adresës së dhënë.
Bashkëpronari i lokalit, shtetasi F. K., 35 vjeç, banues në Tiranë, në brendësi të lokalit është përfshirë në një konflikt fizik e verbal për motive të dobëta, me shtetasin R. C. (klient lokali) dhe më pas konflikti ka vijuar në ambientet e jashtme të lokalit. Si pasojë e konfliktit shtetasi F. K. ka plagosur me armë zjarri në dorë, shtetasi R. C., 39 vjeç., i cili u dërgua në spital dhe ndodhet jashtë rrezikut për jetën.
Në momentin që shtetasi F. K. po qëllonte përsëri në drejtim të shtetasit të plagosur, ndërhyrja në kohë e me profesionalizëm e punonjësve të Policisë ka bërë të mundur parandalimin e vrasjes, duke i hequr armën nga dora shtetasit F.K. dhe duke e prangosur atë.
Materialet hetimore në lidhje me këtë ngjarje i kaluan Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Vrasja, e mbetur në tentativë” dhe “Armëmbajtja pa leje”.
