Prokuroria e Përmetit ka kërkuar arrest me burg për të gjithë të arrestuarit burra në operacionin “Mezhgorani” me përjashtim të dy grave të vetme të ndaluara.
Pritet të shihet nëse gjykata do të pranojë kërkesën e prokurorit dhe të vendosë arrest me burg për botuesin Henri Çili dhe bashkëpunëtorët e tij.
Kujtojmë se Çili u arrestua nën dyshimet se ka ndërhyrë për të siguruar favore për dy vëllezërit Arbjon dhe Alban Aliko, i pari i dënuar me burgim të përjetshëm dhe i dyti me 18 vite burg, me vendim të formës së prerë, për vrasjen e një efektivi të policisë në Lazarat, gjatë aksionit të vitit 2015 kundër kultivimit të marijuanës.
