Mëngjesin e sotëm ka filluar detyrën e tij Prokurori i Përgjithshëm i zgjedhur Olsian Çela. Kalimi i stafetës te kryeprokurori i ri është bërë nga Arta Marku, e cila ka mbajtur edhe fjalën e saj të fundit përpara dorëzimit të detyrës.
“Jam munduar qe prej ditës së parë të punoj me përkushtim e integritet ashtu siç duhet të bëjë çdo zyrtar i këtij shteti. Dua të falënderoj prokurorët e gjithë stafin që më kanë ndihmuar në përballimin e sfidave në këto 2 vite. Ndihma juaj më ka dhënë një eksperiencë të shkëlqyer.
‘Rregulla të reja loje’ Kryeministri tregon se çfarë do ndryshojë brenda muajit
Falenderoj përfaqësuesit e OPDAT dhe Euralius që më kanë mbështetur në çdo iniciativë. Falenderim të veçantë për median, hapësirën që më keni përkushtuar qoftë kur keni qenë dashamirës apo edhe më pak, roli juaj na bën më të përgjegjshëm. Urime prokurorit, kam besim që Prokuroria do ecë përpara në përmbushjen e misionit të saj kushtetues. Jam shumë e lumtur që detyrën ia pasoj një shokut tim të klasës e jam e sigurt që do kaloni shumë mirë me të”.
