BE dhe Greqia kanë rënë dakord që t’i ofrojnë 2 mijë euro emigrantëve, që jetojnë në kampet e mbipopulluara në ishujt grek, nëse kthehen vullnetarisht në vendet e tyre.
Kjo ndihmë financiare ka si qëllim të inkurajojë rreth 5 mijë emigrantë të largohen nga Greqia, që ka mbajtur numrat më të mëdhenj të atyre që kërkojnë azil në Evropë.
“Ne kemi rënë dakord për një program të përkohshëm të kthimit vullnetar për një periudhë një mujore”,tha Ylva Johansson, komisionere për çështjet e brendshme.
Pagesa prej 2 mijë eurosh ka si qëllim të ndihmojë njerëzit të riintegrohen në vendet e tyre të origjinës.
Johasnsson tha se vetëm ata që kanë mbërritur në Greqi para 1 janarit, janë përzgjedhur për programin. Sipas saj, ky program ka si qëllim reduktimin e presionit të mbipopullimit në kampet në ishujt grekë.
Më shumë se 37 mijë vetë jetojnë në këto kampe, në pesë ishuj të Greqisë në detin Egje.
