Pas publikimit nga mediat greke të emrit të autorit të grabitjes së djeshme, tashmë është konfirmur se Admir Murataj ishte organizator i grabitjes në Rinas.
Admir Murataj që u vra dje ishte shpallur në kërkim prej më shumë se dy vitesh si organizator edhe i tre grabitjeve të tjera të blindave me para të bankave në Rinas.
Njihuni me mjeshtrin e vjedhjeve dhe arratisjeve që u vra dje në Rinas (foto)
Dosja
Bëhet fjalë për dy vjedhje në 2015 dhe një në 2017, ndërsa anëtarët e tjerë të grupit u dënuan pak ditë më parë nga Krimet e Rënda në Tiranë.
Admir Murataj në vitin 2013 u arratis nga burgu i Trikallas në Greqi, ndërsa kërkohej nga drejtësia e vendit fqinj për disa akuza nga vrasje, grabitje, por edhe plagosje. Sipas dosjes greke, Murataj kishte përdorur 15 emra të ndryshëm, ndërsa pas arrestimit arriti që të arratiset.
Por pas arratisjes nga burgu dhe njohjes me Dash Kupën, ai kreu grabitjet spektakolare te blindave me para në 2015 dhe 2017 në Rinas. Ndërkohë që anëtarët e tjerë të grupit u arrestuan dhe u dënuan, Murataj arriti që jo vetëm ti shpëtonte burgut, por edhe të organizonte grabitjen e radhës më të madhen që ka ndodhur ndonjëherë në Shqipëri, duke marrë 10 milionë euro.
Aeroporti “Nënë Tereza” supozohet të ketë një siguri maksimale, por për herë të dytë në harkun kohor të 3 viteve të fundit, ajo kompromentohet rëndë nga krimi i organizuar.
