Zëdhënësi i Presidentit, Tedi Blushi, ka reaguar ndaj kryeministrit Edi Rama, për ‘Fake News-in” për mbetjet nga Italia në Shqipëri. Blushi e cilëson kreun e qeverisë si “Profeti i Kokoshkave”, që sipas tij ka publikuar lajmin e rremë, për të shmangur vëmendjen e publikut për shkeljet që po bëhen.
Zëdhënësi i kreut të shtetit thotë se kjo lëvizje vjen në një kohë, për të shmangur vëmendjen e publikut nga aferat skandaloze të biznesit të ri qindra miliona euro të Arbitrazhit Ndërkombëtar, që kërcënojnë financat publike dhe taksapaguesit shqiptarë.
Statusi
“Fake News”-et që i publikon vetë përmes ish-avokatit në Romë, Profeti i Kokoshkave po i përdor për të shmangur vëmendjen e publikut nga aferat skandaloze të biznesit të ri qindra milion euro të Arbitrazhit Ndërkombëtar, që kërcënojnë seriozisht financat publike dhe taksapaguesit shqiptarë.
Shkelja flagrante e Kushtetutës dhe e ligjeve, për të paguar me lekët e taksapaguesve shqiptarë, biznesin e ri kriminal, përbëjnë përgjegjësi të rëndë penale për çdo zyrtar të shtetit shqiptar.
Profeti i Kokoshkave apo Gruaja e Bilalit ia ka marrë dorën pagesave në të zezë, jo vetëm për një foto elektorale, por në çdo sekondë të mbijetesës së tij në karrigen e pushtetit të blerë me banda dhe lekë të zeza prej katër vitesh.
Asnjë formulë dhe marifet nuk e shpëton nga përgjegjësitë e rënda që ka për kriminalizimin e pushtetit dhe bllokimin e integrimit europian.
https://www.facebook.com/blushited/posts/10158692627167760
