Kreu i Partisë Republikane, Fatmir Mediu, është marrë në pyetje për rreth dy orë nga SPAK si person që ka dijeni në lidhje me hetimin e Prokurorisë së Posaçme pas padive të depozituara për privatizimin e kompleksit Partizani.
Në përfundim, Mediu nuk dha shumë detaje duke deklaruar se do të ruante konfidenciale dëshminë e dhënë. “U ftova për të dhënë një dëshmi si person që ka dijeni rreth një çështje që është interes i SPAK. Për një hetim që është interes i SPAK. Kaq mund të them, se është pjesë e hetimit”, tha Mediu.
Pyetjes së gazetarit nëse kishte shpërdorur detyrën në atë periudhë, pra kur ishte ministër i Mbrojtjes, Mediu iu përgjigj: “Çfarë lidhje ka shpërdorimi i detyrës në cilësinë e atij që unë jam ftuar në SPAK”.
