Politikani i burgosur i opozitës ruse, Alexei Navalny, thotë se mobilizimi i pjesshëm do të çojë në “tragjedi masive”.
Në një video-mesazh nga burgu, të regjistruar dhe publikuar nga avokatët e tij, ai thotë: “Kjo do të rezultojë në një tragjedi masive, në një sasi masive vdekjesh… për të mbajtur pushtetin e tij personal, Putin shkoi në një vend fqinj. Vrau njerëz atje dhe tani po dërgon një sasi të madhe qytetarësh rusë në këtë luftë”.
Navalny, kritiku më i zëshëm i Putinit brenda Rusisë, po vuan një dënim prej 11 vitesh e gjysmë burg, pasi u dënua për “shkelje të lirimit me kusht”, “mashtrim” dhe “përbuzje të gjykatës” – akuza që ai thotë se janë ngritur për të ndaluar ambiciet e tij politike dhe për t’i dhënë fund mospajtimit.
Burimi i lajmit: BBC. Përshtatur nga Tirana Today
