Kryetari i bashkisë së kryeqytetit ukrainas Kiev, Vitali Klitschko, ka reaguar ndaj fjalimit të Vladimir Putin.
Në një postim në Telegram, Klitschko tha: “Mobilizimi dhe kërcënimet bërthamore të shpallura nga Putin, nuk do ta ndihmojnë agresorin në përpjekjen e tij për të pushtuar dhe shkatërruar Ukrainën dhe ukrainasit.
Tirani më në fund nisi proceset që do ta varrosin në vendin e tij.
Dhe bota e qytetëruar më në fund duhet të kuptojë se e keqja duhet zhdukur nga rrënjët, dhe jo të flasë për disa “negociata paqësore” iluzionare”.
Burimi i lajmit: BBC. Përshtatur nga Tirana Today
