Një aeroplan luftarak rus është përplasur vetëm disa ditë para se të ekspozohej para presidentit Putin.
‘Sukhoi Su-57’ u rrëzua gjatë një misioni stërvitor duke shkaktuar një shtëllungë flakësh në lindjen e largët të Rusisë.
Sipas mediave vendase, piloti arriti të dilte dhe të hidhej me parashutë. Shefi i Shtabit të Përgjithshëm të Forcave të Armatosura, Valery Gerasimov tha për mediat se avioni ishte testuar të paktën 2 herë në Siri.
Shkak për këtë rrëzim të avionit dyshohet të jetë bërë ndonjë gabim i pilotit ose ndonjë mosfunksionim teknik.
Forcat ajrore të Rusisë kanë porositur 76 prej këtyre avionëve, të cilët kapin një vlerë prej 155 milionë dollarësh . Këto aeroplanë kanë për qëllim të rivalizojnë luftëtarët e ngjashëm amerikanë F-22 Raptor.
