Presidenti Meta ka postuar në facebook një video ku jepen fakte për zgjedhjet e fundit lokale në vend. Në video thuhet se në 35 bashki të vendit u votua për vetëm një kandidat dhe kjo bie ndesh me Gjykatën Europiane për të Drejtat e Njeriut.
Sipas Metës kaq fakte mjaftojnë që gjithkush ta kuptojë se zgjedhjet lokale të 2019-ës ishin jodemokratike.
Ilir Meta: “Në votimet moniste të 30 qershorit 2019, shqiptarëve ju mohua e drejta e zgjedhjes mes alternativave, duke shkelur dhunshëm Demokracinë, Kushtetutën dhe Parimin Themelor të ekzistencës së Europës së Bashkuar ku duam të bëhemi pjesë.
Kurrë më votime moniste në Shqipëri!
Mjaftojnë dhe kaq pak fakte, për ta kuptuar kushdo.”
