“Paqja e brishtë” mes presidentit ilir Meta dhe kryeministrit Edi Rama është thyer që më ligjin e parë të qeverisë “Rama 2”. Meta ka kthyer për rishqyrtim në Kuvend ligjin që flet “për tarifat gjyqësore në Republikën e Shqipërisë”.
Kreu i Shtetit nuk ka dekretuar ligjin e miratuar nga qeveria “Rama2”, por ka dekretuar kthimin e tij në Kuvend për t’u rishqyrtuar.
Me sa duket Rama nuk do ta ketë aspak të lehtë me Metën president. Ky me sa duket është një mesazh i parë që kryeministri nuk do të këtë gjithmonë presidentin në krah. Marrëdhëniet mes Ramës dhe Metës u prishën në fund të mandatit të qeverisë “Rama 1” ku kryeministri deklaroi se kërkonte të qeveriste i vetëm.
DEKRETI
DEKRET PËR KTHIMIN E LIGJIT NR. 98/2017 “PËR TARIFAT GJYQËSORE NË REPUBLIKËN E SHQIPËRISË”.
Në mbështetje të neneve 85, pika 1 dhe 93, të Kushtetutës,
Dekretoj
Kthimin për rishqyrtim në Kuvend të ligjit nr. 98/2017 “Për tarifat gjyqësore në Republikën e Shqipërisë”.
Nr. Dekretit 10656, Tiranë, më 22.11.2017
