Presidenti i Maqedonisë, Gorge Ivanov ka pritur sot në një takim homologun e tij, Ilir Metën.
Pas takimit, presidentët kanë dalë në një konferencë për mediet. Mësohet se mes tyre është biseduar për ngjarjet në Ballkan dhe nevojën e bashkëpunimit mes dy vendeve.
Po ashtu, presidenti i Maqedonisë është shprehur se pret ndihmën dhe mbështetjen e Shqipërisë për sa i përket integrimit të Maqedonisë dhe rrugës së saj drejt NATO-s dhe BE-së. Ivanov shtoi se së bashku kanë konstatuar se faktori që i lidh më së shumti dy vendet janë maqedonasit në Shqipëri dhe shqiptarët në Maqedoni.
Nga ana tjetër, kreu i shtetit shqiptar, Ilir Meta tha se dy vendet duhet të shpenzojnë më shumë kohë në fokus të bashkëpunimit me njëri-tjetrin.
Ai shtoi se të gjithë presin me padurim që Maqedonia ta marrë vendin që i takon në NATO dhe të avancojë drejt BE-së.
