Kreu i Këshillit të Emërimeve në Drejtësi, Ardian Dvorani iu përgjigj pak më parë presidentit Ilir Meta, pas deklaratave të bëra ndaj tij. Ndërsa theksoi se do të vazhdojë të ushtrojë deri në fund kompetencat e tij që i jep posti.
Sakaq, ka ardhur reagimi i zëdhënësit të Presidentit të Republikës Tedi Blushi, teksa i kërkon kreut të KED të ruaj qetësinë dhe të mbledhë mendjen. Si dhe e paralajmëron që të mos dëmtojë provat, por t’i publikojë i pari ato dhe videot.
“Dvoran, ruaj qetësinë dhe mblidh mendjen!
Të lutem mos dëmto provat se do rëndosh më shumë pozitën tënde!
Më thonë gazetarët se paske publikuar dhe një video? Shumë mirë!
Vetëm ruaj qetësinë me videot, se publikimi i tyre nuk ka filluar akoma!
Ne e dimë që ty të kanë ngatërruar në anglisht, por do të sqarojmë edhe në shqip!
Ndaj bën mirë t’i publikosh vetë i pari të gjitha provat dhe videot!
Megjithatë, ne me shumë qetësi po presim hetimin!
Reforma në Drejtësi do ecë përpara dhe askush nuk mund ta ndalë dot!”, shkruan Blushi
