Deputetja Rudina Hajdari ka reaguar pas arritjes së marrëveshjes për Reformën Zgjedhore mes mazhorancës dhe opozitës parlamentare.
Në një deklaratë për mediat, Hajdari tha se me këtë marrëveshje do të votohen ata deputetë që janë me ide dhe emra përballë qytetarëve.
Ajo i bëri thirrje opozitës jashtë parlamentare që t’i bashkohen në këtë kauzë.
Po ashtu ajo vlerësoi arritjen e kësaj marrëveshje, ndërsa i bëri thirrje opozitës që t’i bashkohen në këtë kauzë.
“Ajo që është dukur si diçka e pamundur, sot, them se premtimi është mbajtur. Dua t’ju them se sot jemi këtu falë mbështetjes qytetarëve dhe shoqërisë civile. Ne hodhëm një hap përpara drejt një demokracie të shëndoshë. Po ashtu u bëj thirrje opozitës jashtë parlamentare t’i bashkohen këtij treni të së ardhmes. Sot e quaj një fitore të madhe sepse në radhë të parë është fitore e opozitës në Shqipëri”, tha ajo.
