Artistët në mbrojtje të teatrit, mbrëmjen e sotme kanë vendosur ta zhvendosin protestën brenda godinës, ku edhe kanë vendosur të mbajnë një shfaqje.
Teatri Kombëtar rihapi sonte skenën me monodramën e aktorit të mirënjohur, Mehdi Malka, “Marr guximin”, pas muajsh pushimi në formë proteste.
Kjo ngjarje nuk i ka shpëtuar as ish-kryeministrit, Sali Berisha i cili ka shpërndarë një video nga skena e teatrit, duke u shprehur se kjo shfaqje shënon çlirimin e godinës së teatrit.
“Artistët sonte në shfaqjen e tyre të parë në sallën e Teatrit të çliruar nga narkoqeveria dhe Edvin Mafia! Sb”, shkruan Berisha në postimin e tij.
Ndërkohë, në momentin që aktori Mehdi Malkaj del në skenë, të pranishmit në pjesën e audiencës shpërthejnë në të bërtitura “Poshtë diktatura”.
