Policia ka parandaluar ngjarjen tragjike në vend, ku një i ri ka dhunuar dhe kanosur familjarët. Shërbimet e Policisë Kurbin dhe forca e posaçme “Shqiponja” në DVP Lezhë, pasi kanë marrë njoftimin se në Laç, një person po ushtronte dhunë mbi familjarët dhe po i kanoste ata me thikë, kanë parandaluar përshkallëzimin e konfliktit.
Falë ndërhyrjes është bërë arrestimi në flagrancë i shtetasit A. L., 21 vjeç, banues në Kurbin. Ky shtetas nuk i është bindur urdhrit të punonjësit të policisë për shoqërim, por i ka kundërshtuar ata dhe ka shkatërruar orenditë shtëpiake.
Njoftimi
Kurbin
Parandalohet përshkallëzimi i mëtejshëm i konfliktit në një familje.
Ushtroi dhunë mbi familjarët dhe i kanosi ata me thikë, vihet në pranga 21-vjeçari.
I riu ka kundërshtuar edhe punonjësit e Policisë gjatë shoqërimit në ambientet e Policisë.
Shërbimet e Policisë Kurbin dhe forca e posaçme “Shqiponja” në DVP Lezhë, pasi kanë marrë njoftimin se në Laç, një person po ushtronte dhunë mbi familjarët dhe po i kanoste ata me thikë, menjëherë kanë organizuar punën dhe falë ndërhyrjes së shpejtë kanë parandaluar përshkallëzimin e konfliktit që mund të kishte pasoja të rënda.
Falë ndërhyrjes profesionale nga specialistët për Hetimin e Krimeve është bërë arrestimi në flagrancë i shtetasit A. L., 21 vjeç, banues në Kurbin dhe sekuestrimi i thikës me të cilën ai kanoste familjarët.
21-vjeçari nuk i është bindur urdhrit të punonjësit të Policisë për shoqërim, por i ka kundërshtuar ata dhe ka shkatërruar orenditë shtëpiake.
Materialet hetimore u referuan në Prokurorinë e Rrethit Gjyqësor Kurbin, për veprat penale “Dhuna në familje “,”Prodhimi, mbajtja, blerja apo shitja pa leje e armëve të ftohta”, “Kundërshtimi i punonjësit të Policisë ” dhe “Shkatërrimi i pronës”.
