Protesta e opozitës është zhvendosur te Parlamenti. Polici në momentin që i janë afruar godinës edhe pse nuk kanë tentuar që të mësyjnë drejt godinës kanë hedhur masivisht gaz lotsjellës. Protestuesit janë shpërndarë menjëherë pasi ‘reja’ e tymit ka qenë shumë e madhe dhe shumica e tyre kanë shfaqur probleme.
Një nga protestuesit është ndjerë keq nga gazi dhe është mbështetur te muri rrethues i xhamisë së “Namazgjasë”. Në videon e siguruar nga Tirana Today vihet re që protestuesi humb ndjenjat dhe disa të tjerë përpiqen ta qetësojnë duke i dhënë ujë.
Përdorimi i gazit lotsjellës duket se ka ardhur pasi policia nuk ishte e përgatitur që protesta të zhvendosej aty dhe si të vetme mundësi për të larguar turmën ka qenë përdorimi masiv i gazit lotsjellës. Ekspertët janë shprehur se gazi është helmues dhe shfaq probleme në shëndetin e qytetarëve, por kjo nuk e ka ndalur policinë ta përdorë.
Te zona para Parlamentit policia ka zgjedhur si strategji që veç gazit lotsjellës të hedhë edhe ujë që të shpërndajë protestuesit, por janë fikur edhe të gjitha dritat e rrugës.
