Ish-kryeministri Sali Berisha ka folur gjatë protestës së opozitës, teksa tha se tashmë Tirana është kthyer në kryeqytetin botëror të protestave.
Gjatë fjalës së tij për mediat, Berisha deklaroi se kryeministri Edi Rama i ka ditët e numëruara dhe nuk mund të shpëtojë edhe nëse fshihet “në vrimën e miut”.
“Kjo protestë do të përmbysë Edvin Zografin e dytë. Forcë në botë që ta shpëtojë atë nga ky vrull i fuqishëm nuk ka dhe nuk do të ketë. Le të shkojë në shkretëtirat e largëta të Azisë dhe të Afrikës, por ai në këtë vend i ka kohërat e numëruara.
Protesta siç e sheh ti ka një vrull të madh në rritje. Sot Tirana është kryeqyteti i botës për protestën. Sot protesta botërore ka për kryeqytet Tiranën. Ata fat që pësoi diktatori dhe junta, atë fat do të pësojë Edi Rama në Tiranë.
Rama të jetë i bindur që edhe në vrimën e miut të shkojë nuk do të mund të shpëtojë nga ky cunam. Një herë ia mbath në shkretëtira, një herë në tunelet e Skraparit”, u shpreh Berisha.