Disa orë para protestës së thirrur sot nga Aleanca për Mbrojtjen e Teatrit, rrugët për në Tiranë janë bllokuar. Denoncimi vjen nga ish-deputeti i PD-së, Luçiano Boçi, i cili demostron me anë të disa fotove, se policia ka dalë në terren dhe po bllokon rrugën.
Ish-deputeti thotë se kryeministri Rama ka dhënë urdhër që të bllokohet rruga në rrethrrotullimin e Bradasheshit në Elbasan. Forcat Shqiponja dhe ato rrugore po kthejnë mbrapsht të gjithë personat jo rezidentë të Tiranës, pavarësisht se janë pajisur me leje.
Sikundër duket qartë edhe nga fotot në fjalë, policia kalon në filtër çdo automjet dhe i bëhet një kontroll për dokumentacionet ku do të shkojë.
Statusi
FRIKA E RAMËS,
BLLOKON RRUGËN E TIRANËS
Rama ka urdhëruar shegertin e tij të Ministrisë së Brendshme të bllokojë përsëri rrugën në rrethrrotullimin e Bradasheshit.
Rama përtej cubizmit televiziv, e di mirë që protesta po e zhbjerr dhe rrëzon atë dita-ditës.
Teatri është varr i hapur dhe pret kufomën e tij politike.
Forcat shqiponja dhe ato rrugore kthejnë mbrapsht të gjithë personat jo rezidentë të Tiranës, pavarësisht se janë pajisur me leje.
Dje Lleshi bërtiste se policia e Ramës dhe e tij zbatonte ligjin dhe kur merrte zvarrë protestuesit, gra e fëmijë.
Po sot cilin ligj po zbaton policia z. Lleshi?!
Po dje që nuk kishte protestë, pse nuk kishte pengesë policore?!
Askush nga policët e shefat e tyre nuk disponon një urdhër shkresor.
Thjesht i kanë thënë në telefon ose FCB.
Këtu është katandisur ligji e shteti.
Por çfarëdo të bëje Rama dhe shegerti i tij i vogël, fundi tashmë është volusor.
Protestat e qytetarëve nuk ndalen.
Ne jemi krah tyre!
