Policia italiane ka zhvilluar një operacion të madh, ku ka arritur shkatërroje një rrjet të shpërndarjes së kokainës që vepronte në tri qytete italiane.
Sipas mediave italiane, banda vepronte në Savona, Varazze dhe Loano. Në pranga ranë katër persona, respektivisht 2 italianë dhe 2 shqiptarë.
Operacioni i quajtur “Arratisja e mesnatës” kishte nisur që kohë më parë, teksa ka pasur edhe arrestime të tjera më herët.
Në lidhje me këtë rrjet ka pasur gjithsej 8 arrestime duke përfshirë edhe 4 të fundit. Bëhet me dije se policia ka sekuestruar mbi gjysmë kilogramë kokainë.
