Pas mbylljes së protestës, policia e shtetit ka filluar shoqërimin e personave që janë evidentuar nga hetimet paraprake si përgjegjës për dhunën që shpërtheu para Parlamentit.
Një nga të shoqëruarit është dhe djali i kryetarit të PD për degën Fier, Luan Baçit.
Në video e publikuar nga Partia Demokratike në Facebook, dallohet ish-deputeti i revoltuar , i cili kërkon lirimin e djalit të tij, ndërsa thotë se do futet bashkë me djalin në makinën e policisë, pasi ai është një fëmijë.
“Mbajeni mend se çfarë kam për t’ju bërë. E keni personale me mua, kaq po ju them”, dëgjohet të thotë ai.
Ndërkohë që paralajmëron policinë që të largojnë duart nga djali i tij, ai u bën thirrje edhe protestuesve të tjerë që ndodhen në rrugë, të mos frikësohen.
https://www.facebook.com/partiademokratike/videos/273342080253898/?t=5
