Kreu i PD-së, Lulzim Basha ka denoncuar rastin e djeshëm, ku policia shfaqet duke ushtruar dhunë ndaj një të riu.
Basha e ka postuar videon në Twitter, duke fajësuar kryeministrin Rama për situatën në të cilën ndodhet vendi.
Sipas Bashës, i riu që është ndaluar nga policia është i mitur, teksa e cilëson aktin në fjalë si një akt të një frikacaku të dështuar.
“Kjo dhunë, kjo krizë, kjo vjedhje dhe batërdi me pronat publike, kjo padrejtësi ndaj shqiptarëve, kjo varfëri ekstreme ka vetëm një emër: Edi Rama. Ai është e keqja e njerëzve, është e keqja e Shqipërisë!
Dënoj me forcë dhunën barbare ndaj një të mituri. Dhuna është fytyra e shtetit të Ramës, është oferta e tij e vetme për njerëzit. Ky është akti i një frikacaku të dështuar”, shkruan ai në postimin e tij.
Kjo dhunë, kjo krizë, kjo vjedhje dhe batërdi me pronat publike, kjo padrejtësi ndaj shqiptarëve, kjo varfëri ekstreme ka vetëm një emër: Edi Rama. Ai është e keqja e njerëzve, është e keqja e Shqipërisë! pic.twitter.com/5aTp0mY1HP
— Lulzim Basha (@lulzimbasha_al) May 16, 2020
