Policia e Shkodrës ka arrestuar në flagrancë dy persona për vepra të ndryshme penale.
Në Shkodër u bë arrestimi në flagrancë i shtetasit D. H. 30 vjeç, banues në lagjen “Guerrile”, pasi gjatë një kontrolli të ushtruar në mjetin tip Audi, iu gjet dhe bllokua në cilësinë e provës materiale, arma e zjarrit pistoletë tip Beretta, me një krehër me15 fishekë.
Po ashtu, një 26-vjeçar, banues në fshatin Bogë, ra në pranga të strukturave të Komisariatit të Policisë Malësi e Madhe, pasi në bazë të informacioneve të ardhura nga qytetarët dyshohet se në vendin e quajtur Okol, Malësi e Madhe, ka qëlluar me armë zjarri në ajër.
26-vjeçari u arrestua për veprat penale “Prodhim dhe mbajtje pa leje të armëve tē zjarrit dhe municioneve” si dhe “Prishje e rendit e qetësisë publike”. Materialet hetimore ju referuan Prokurorisë Shkodër për veprime të mëtejshme.
