E motra e të ndjerit, 25 vjeçarit Klodian Rasha, në një gjendje të rënduar tha në një prononcim për mediat se ajo çfarë kërkon është vetëm drejtësia. E përlotur, në një rrëfim mjaft të vështirë për të, ajo tha se kërkojnë të drejtën e tyre, dhe se gjithçka është një protestë paqësore.
“Ka qënë djalë shumë i rregullt”, tha e motra e të riut që u ekzekutua nga policia. “Po prisnim ti bënim një martesë. Më thoshin se e ka rrëmbyer policia”, tha më tej ajo.
E gjendur në protestë, Bora shprehet mes emocionesh se kërkon drejtësi dhe dorëheqjen e kryeministrit Edi Rama dhe ministrit Sandër Lleshaj.
“Dua një të drejtë nga shteti, dua të drejtën e vëllait tim. Për çfarë me u vra? Për çfarë nuk qëlloi në ajër? Kërkoj drejtësi për vëllanë tim, ne duam të drejtën për çfarë arsye është vrarë. Ka qenë djalë shumë i rregullt, nuk ka pasur armë. Kërkoj të dorëhiqet Edi Rama dhe Sandër Lleshaj, kërkoj mbështeteje sa më shpejt. Nuk e prisja kur kam marrë vesh se vëllai im është i vrarë, më thoshin se është arrestuar, kur ma kanë sjellë jam tronditur”.
Një numër i jashtëzakondshëm protestuesish janë mbledhur tek Kryeministria, duke kërkuar që të futen brenda godinës.
