328 kg hashash janë kapur nga policia kufitare dhe drejtoria e qarkut Vlorë, në gadishullin e Karaburunit, gjatë një operacioni të koduar ‘Petruna’.
Sipas burimeve të policisë, nga kontrolli i ushtruar, janë arrestuar në flagrancë dy persona, si dhe janë ndaluar tetë të tjerë, të dyshuar si pjesë e një grupi kriminal që merrej me trafikun e lëndëve narkotike drejt Italisë.
Personat që janë arrestuar:
Ç., 35 vjeç, banues në Orikum Vlorë, në rolin e organizatorit
D., 45 vjeç, banues në Vlorë, në rolin e organizatorit
Gj., 22 vjeç, banues në Orikum Vlorë, në rolin e organizatorit.
Xh. H., 26 vjeç, banues në Orikum Vlorë, anëtar i grupit kriminal
K., 27 vjeç, banues në Dukat Vlorë, anëtar i grupit kriminal
S, 45 vjeç, banues në Vlorë, anëtar i grupit kriminal
P., 29 vjeç, banues në Vlorë, anëtar i grupit kriminal
M., 40 vjeç, banues në Vlorë, anëtar i grupit kriminal.
H.B, 51 vjeç, banues në Dukat Vlorë, anëtar i grupit kriminal
A.B., 19 vjeç, anëtar i grupit kriminal.
Organizatorët e këtij grupi kriminal, për t’iu shmangur policisë kishin parkuar në vendbanimin e gomoneve, mjete të tjera lundruese të prishura, ndërsa dy mjetet e rregullta u gjetën nga Policia, njëra në gjirin e Shën Janit dhe tjera në Dukat të Vlorës.
Duke iu referuar njoftimit të policisë, është bërë krehja e një zone të gjerë në Karaburun, ku në gjirin e Petrunës, forcat policore bënë të mundur gjetjen dhe sekuestrimin e lëndës narkotike të fshehur, me peshë totale 328 kg, si dhe arrestimin në flagrancë të shtetasëve O.P dhe E.M, të cilët po ruanin lëndën narkotike.
Në këtë operacion policor janë përfshirë rreth 80 forca policore, Prokurorë të Prokurorisë për Krimet e Rënda, mjete lundrimi të Delta – Forcës, Policisë Kufitare si dhe mjete të Policisë të DVP-Vlorë.
