Presidenti i Turqisë Recep Tayyip Erdoğan ka lëshuar disa deklarata të forta ditët e fundit në drejtim të Greqisë, duke ndezur sërish tensionin me Athinës dhe Ankarasë. Por pavarësisht deklaratave ‘provokuese’ të presidentit turk, gazeta helene “Ekathimerini” shkruan se nga Athina është thënë se “nuk duan raporte tensioni me Turqinë”.
Ka qenë ministri i Jashtëm grek Giorgos Katrougalos dhe ministri i Mbrojtjes Evangelos Apostolakis janë shprehur se “nuk kanë për qëllim përshkallëzimin e tensioneve”.
Të dy ministrat bënë komentet e tyre pasi Ministria e Jashtme turke denoncoi të hënën deklaratën e Ministrisë së Jashtme greke, që komentet e ndezura të Erdogan gjatë një tubimi të tij në Izmir i cilësoi si “të papranueshme në raport me fqinjësinë e mirë mes dy vendeve”.
Erdogan i ishte referuar luftës greko-turke në Azinë e Vogël në vitin 1922 dhe e përshëndeti Izmirin për “hedhjen e të pafeve në det”. Ministria e Jashtme greke tha se komentet e presidentit turk vetëm sa dëmtojnë raportin e mirë mes dy vendeve fqinje.