Dy gazetarë që mbuluan protestat e së mërkurës në Afganistan, janë dhunuar nga talebanët. Ata raportohen se janë dhunuar, pasi u arrestuan nga talebanët në Kabul.
Fotografi Nematullah Naqdi foli për agjencinë e lajmeve AFP. “Njëri prej talebanëve më vuri këmbën në kokë, më dërrmoi fytyrën. Më goditën në kokë … Mendova se do të më vrisnin”.
Naqdi po mbulonte një protestë të grave, para një stacioni policie me kolegun e tij në gazetën lokale Etilaatroz, Taqi Darybai.
Gazetarët afganë tregojnë për rrahjet nga talebanët
Talebanët kanë ndaluar protestat, nëse nuk autorizohen nga Ministria e Drejtësisë. Por dhjetëra demonstrues që brohorisnin “ne duam liri” u mblodhën pranë Ambasadës së Pakistanit në Kabul, dhe militantët talebanë hapën zjarr për t’i shpërndarë ata, thanë protestuesit.
Më shumë demonstrata u raportuan në provincat Parwan dhe Nimruz. Të shtënat me armë u dëgjuan në Parwan. Protestuesit bërtitën: “Askush nuk mund ta mbyllë zërin tonë me forcën e armëve, vdekje për Pakistanin dhe Shtetet e Bashkuara”.
Një tjetër protestë e grave u zhvillua në provincën Kapisa, në verilindje të Kabulit, thonë raportet lokale. Burimet i thanë agjensisë Aamaj, se disa gra ishin arrestuar.
امروز کاپیسا – زنان با شعار اینکه «پاکستان دشمن دیرینه افغانستان است» راهپیمایی نمودند. اما منابع به آماج نیوز میگویند که این اعتراض با خشونت طالبان همراه شد و چند تن از فعالان حقوق زن بازداشت شدند.#آماج_نیوز pic.twitter.com/e0MqqPNE36
— Aamaj News (@AamajN) September 9, 2021
Burimi i lajmit: BBC. Përshtatur nga Tirana Today
