Lideri demokrat, Lulzim Basha ka deklaruar se një nga dekretet e presidentit Ilir Meta për kthimin e dy kontratave korruptive pritet që të rrëzohet. Bëhet fjalë për koncesionin e rrugës Milot-Balldren dhe Orikum-Dukat.
“Pak metra pas meje, në Kuvendin e cunguar, landfillin e Republikës së Shqipërisë, po finalizohet grabitja me e madhe në historinë 30 vjecare në historinë e pluralizmit. Koncesioni i rrugës Milot-Balldren i Ndue dhe Agim Kolës me vlerë 296 milionë euro apo 17 mln euro për kilometër, dhe koncesioni i rrugës Orikum-Dukat i Lorenc Gjikurisë me vlerë 70 mln euro.
Dekreti i Presidentit të Republikës për kthimin e këtyre dy kontratave korruptive po bëhet gati të kthehet poshtë nga cjapët dhe delet e korrupsionit në parlamentin e dalë si pasojë e krimit të organizuar dhe blerjes së votave”, deklaroi Basha.
Sakaq, kryedemokrati ka paralajmëruar të gjithë deputetët që votojnë pro këtyre projektligjeve se emrat e tyre do të mbahen shënim, ndërsa shton se do të ndiqen “këmba-këmbës”, dhe se do të jenë subjekt i ligjit Anti-mafia.
“Dua të paralajmëroj çdo anëtar të seancës që ngre dorën për të miratuar vjedhjen me ligj se nesër do të jetë subjekt i ligjit antimaifa. Sot po ju vështojmë dhe do ju mbajmë shënim emrat. Nesër do ju ndjellim këmba këmbës. Çdo qindarkë dhe çdo pronë do të jetë nën lupën e ligjit Antimafia dhe të SPAK-ut. Ajo çka votohet sot nga Landfilli i republikës me ligj, pasi ky projekt i diskutuar në restorantin luksoz të Ramës, ndërsa në fakt është në pronësi të familjes Kola”, tha ai.
Denonco ne TT